SITAGUtimes

Tuesday, November 17, 2009

Friday, March 21, 2008

၂၀၀၈-ခုနှစ် ဖေဖေါ်ဝါရီလ၊ သီတဂူဆရာတော်ဦးဆောင်သော သီတဂူဘုရားဖူးအဖွဲ့သည် အိန္ဒိယနိုင်ငံ သို့ ရောက်ရှိလာခဲ့သည်။ ထိုအဖွဲ့သည် တရိပူရပြည်နယ် မနုဗန်ကူးရွာတွင် ရွှေစည်းခုံစေတီ ပုံစံတူ စေတီ တစ်ဆူနှင့် သိမ်ကျောင်းတစ်ဆောင်တို့ကို တည်ဆောက်လှူဒါန်းသည်။ အိန္ဒိယနိုင်ငံရှိ ပညာသင် မြန်မာရဟန်း တော် (၂၃၁) ပါးတို့အား တစ်ပါးလျှင် ဒေါ်လာ (၁၀၀) နှုန်းဖြင့် စုစုပေါင်း ဒေါ်လာ နှစ်သောင်းသုံးထောင် တစ်ရာတို့ကို လှူဒါန်းသည့်အပြင် ထိုပညာသင်ရဟန်းတော်များ သီတင်းသုံးရန် ဗုဒ္ဓဂယာရှိ ကျောင်းအလှူတွင် လည်း ပါဝင်လှူဒါန်းကြသည်။ ဒေလီတက္ကသိုလ်ရှိ ဗုဒ္ဓဘာသာညီလာခံ အစည်းအဝေးတက်ပြီးနောက် အိန္ဒိယ တခွင် ဘုရားဖူးခရီးစဉ်ကို စတင်လိုက်ကြသည်။ အဖွဲ့ဝင် (၆၅) ကျော် ပါဝင်သည့် ဒီခရီးစဉ်သည် ဖေဖေါ်ဝါရီ (၃) ရက်မှ မတ်လ (၁) ရက်နေ့အထိ ကြာမြင့်သည့် ခရီးစဉ်ဖြစ်သည်။

ဤခရီးစဉ်ကို အစမှ အဆုံး အစစအရာရာ လိုက်ပါကူညီဆောင်ရွက်ပေးရန် သီတဂူအဓိပတိ ဆရာတော်၏တာဝန်ပေးမှု အရ အဖွဲ့နှင့်အတူတကွ လိုက်ပါခဲ့ရာတွင် စစ်နိုင် ဘုရင်ကြီးတစ်ဦး၏ လက်နက် ချရာ စစ်မြေပြင်ဟောင်းတစ်ခုဖြစ်တဲ့ “ကလိင်္ဂ”နယ်မြေထဲကို ရောက်ရှိခဲ့သည်။ “ကလိင်္ဂ” ဆိုတဲ့ ဤနာမည်ကို ငယ်ငယ်ကတည်းက ကြားဘူးသည်၊ သို့သော် မည့်သည့်အရပ်ဒေသမှန်း မသိ၊ ပုံ ပြောကောင်းသောလူကြီး များ၏ ဒဏ္ဍာရီ ပုံပြင်တစ်ခုသဘွယ် မှတ်ထင်ခဲ့သည်။ အခုတော့ ဤ “ကလိင်္ဂ” စစ်မြေပြင်ဟောင်းနေရာကို မိမိ အမှန်တကယ် ခြေချမိနေပြီ။ မိမိခြေချမိသော နေရာအတိအကျကား- စစ်ဘုရင်ကြီး လက်နက်စွန့်လွှတ်သော “ဒေါလီ” တောင်ကုန်းလေးတစ်ခု ဖြစ်သည်။ မိမိက စစ်ဘုရင်ကြီး၏အကြောင်းကို ထပ်ခါတလဲလဲ စဉ်းစားနေမိ သည်။ “စစ်ပွဲတွေလည်း အလီလီ နိုင်ခဲ့သည်။ လက်နက်လဲ ချလိုက်ပြီဆိုတော့ ဤစစ်ဘုရင်ကြီးကား ရူးများ ရူးသွားသလား” လို့။

ဤစစ်ဘုရင်ကြီး၏ အကြောင်းကား တရေးရေးဖြင့် မိမိ၏ အတွေးထဲမှာ ပေါ်လာသည်။ အင်မတန် ရက်စက်သော ဘုရင်ကြီး ဖြစ်ခဲ့၏။ တိုင်းပြည်အာဏာကို လုံးဝ ဆုပ်ကိုင်နိုင်ဘို့အတွက် ဆန့်ကျင်သူ အားလုံး ကို ရှင်းပစ်ဖို့ ၀န်လေးခဲ့သူ မဟုတ်။ အာဏာအတွက် ညီအစ်ကိုရင်းတွေကိုတောင် သုတ်သင်ခဲ့၏၊ သူအား သစ္စာ မခံသော တိုင်းပြည်တွေက ခုခံသူတွေကို သတ်ဖြတ် သုတ်သင်ပြီး တိုင်းတစ်ပါး နယ်မြေတွေကို သိမ်းပိုက်ခဲ့သည်။ အနိုင်မခံ အရှုံးမပေး၊ လက်နက်မချသော တိုင်းပြည် တစ်ခုကား “ကလိင်္ဂ”တိုင်းပြည် ဖြစ်သည်။ စစ်ဘုရင်ကြီးအနေနဲ့က ဖခင်ကြီးလက်ထက်က တိုက်ခိုက်သိမ်းပိုင်၍ အနိုင် မရခဲ့သော ဤ “ကလိင်္ဂ” တိုင်းပြည်ကို တိုက်ခိုက်သိမ်းပိုက်ယူရန် လုံးဝ ဆုံးဖြတ်ထားခဲ့သည်။ လွယ်လွယ်နှင့် မရနိုင်မှန်းလဲ သိထားခဲ့ သည်။ သို့ဖြစ်၍ ဘုရင်အဖြစ် အဘိသိက်သွန်းပြီး (၈) နှစ်ကြာသောအခါကျမှ ကလိင်္ဂ တိုက်ပွဲကို ဆင်နွဲခဲ့ သည်။ စစ်ဘုရင်ဖြစ်သည့်အလျှောက် “အနိုင်ရဘို့သာ အဓိက” ဖြစ်သည်။ တရားမျှတမှု ရှိ မရှိ၊ လူတွေ သေကြေ ပျက်ဆီး ဆုံးရှုံး ငိုကြွေးကြရတာ သူနှင့်မဆိုင်သလိုမျိုး ယူဆထားခဲ့ဟန်ရှိသည်။ ထိုကြောင့် ခြေလျင် တပ်သားပေါင်း (၆၀၀၀၀၀) ခြောက်သိန်း၊ မြင်းစီးတပ်သားပေါင်း (၁၃၀၀၀၀) တစ်သိန်းသုံးသောင်း၊ ဆင်ကောင်ရေ (၉၀၀၀) ကိုးထောင်နှင့် ဆင်စီးတပ်သားပေါင်း (၃၆၀၀၀)၊ တခြားတိုက်ပွဲသုံး မြင်းရထားများ နှင့်တကွ ကိုယ်တိုင် ချီတက်ပြီး ခုခံသူ ကလိင်္ဂတိုင်းသူပြည်သားတွေကို သတ်ဖြတ်ခဲ့သည်။ အကြမ်းတမ်းဆုံး အရက်စက်ဆုံးနှင့် အဆုံးအဖြတ်ပေးမည့် တိုက်ပွဲဖြစ်သည်။ အချိန်ကား ဘီစီ ၂၆၂-ခုနှစ် ဖြစ်သည်။ ဤတိုက်ပွဲ နေရာကား ယခုခေတ် သြရိဿပြည်နယ် (ယခင်အခေါ် ကလိင်္ဂတိုင်းပြည်) ၏ မြို့တော် ဘူဘန်နေရွှာနှင့် (၅) မိုင်အကွာ ဒေါလီတောင်ကုန်းနှင့် ဒယာ မြစ်ကမ်းအနီး (Bhubaneswar, Orissa State, India) ဖြစ်သည်။

ယင်းတိုက်ပွဲတွင် “ကလိင်္ဂ” တိုင်းသူပြည်သား တစ်သိန်းကျော်နှင့် စစ်ဘုရင်ကြီး၏ စစ်သား တစ်သောင်းကျော် သေဆုံးကြရသည်။ ထိခိုက်ဒဏ်ရာရသူတွေကား အမြောက်အများရှိခဲ့သည်။ စစ်သုံ့ပန်း တစ်သိန်းခွဲကျော်ကို ဖမ်းဆီးထားရသည်။ ဤစစ်ပွဲကို ဦးဆောင်တိုက်ခဲ့သော စစ်ဘုရင်ကြီးကား ဤအဖြစ်အပျက်တွေကို ]ဒေါလီ} တောင်ကုန်းပေါ်ကနေ မျက်ဝါးထင်ထင် ကိုယ်တိုင်တွေ့မြင်နေရသည်။ သေဆုံးသွားသူတွေရဲ့ အလောင်းတွေကို “ဒယာ” မြစ်ထဲမှာ လွှင့်ပစ်နေကြသည်။ ဒဏ်ရာရသူတွေ အော်ဟစ် ငိုကြွေးနေကြသည်။ မိဘမဲ့ဖြစ်သွားကြတဲ့ ကလေးတွေက မိဘတွေကို တမ်းတ ငိုယိုနေကြသည်။ မုဆိုးမ ဖြစ်သွားကြရတဲ့ အမျိုးသမီးတွေရဲ့ ဟစ်ကြွေးရေရွတ်သံတွေကိုလည်း ကြားနေကြရသည်။ တိုက်ဆင်၊ တိုက်မြင်းတွေရဲ့ အလောင်းတွေကိုလည်း လူသေအလောင်းတွေနှင့်အတူ မြင်တွေ့နေရသည်။ လင်းတ ငှက်တွေနှင့်အတူ တခြားသော အသားစားငှက်တွေ၊ ခွေးတွေလည်း အလုအယက်ပြေးလွှာ စားသောက်နေတာ ကို အိမ်မက်အလား မြင်နေရသည်။ “ဒယာ” မြစ်ရေတွေ၊ မဟီ (ယခုအခေါ် မဟာနဒီ) မြစ်ရေတွေလည်း ယခင်ကလို ကြည်လင်မနေတော့ဘဲ သွေးတွေနှင့် နီရဲနေသည်။ ရေပေါ် မြေပေါ်က ထွက်လာသော သွေးညှီနဲ့၊ အပုပ်နံ့တွေကိုလည်း စစ်ဘုရင်ကြီးကိုယ်တိုင် ရှုရှိုက်နေရသည်။

“စစ်ပွဲ” ဆိုတာကို စစ်ဘုရင်ကြီးကိုယ်တိုင် ရွံ့ရှားမုန်းတီးလာသည်။ “စစ်” ဆိုတာ နှစ်ဦးနှစ်ဘက် စလုံးကို ဆုံးရှုံးစေသည်ဟု နားလည်လာသည်။ “ဒေါလီ” တောင်ကုန်းပေါ်မှ မြင်နေရသော အဖြစ်အပျက် အားလုံးသည် စစ်ဘုရင်ကြီးကို “စစ်အောင်နိုင်သူ” အဖြစ် ဂုဏ်ယူဝင့်ကြွားမှုကို မဖြစ်စေခဲ့။ ဤ၀မ်းနည်းဖွယ် အနိဋ္ဌာရုံ အားလုံးကို အဓိက ဖန်တီးသူမှာ တခြားသူ မဟုတ်ဘဲ မိမိကိုယ်တိုင် ဖြစ်နေသည်၊ ဒါကြောင့် အများသူငါက မိမိကို “အကြမ်းဖက်သမားကြီး အသောက (စဏ္ဍာသောက)” လို့ ခေါ်ကြသည်ကို အမှတ်ရမိ နေခဲ့သည်။ ဤရက်စက်ကြမ်းကြုတ်မှုသည် မိမိ သူတစ်ပါး နှစ်ဦးစလုံးအတွက် ချစ်ခင်ယုံကြည်မှုတွေ၊ ငြိမ်းချမ်းမှု၊ ဖွံ့ဖြိုးတိုးတက်မှု စသည်တွေကို မဖြစ်ပေါ်စေသည့်အပြင် ဖျက်ဆီးပစ်ရာ ရောက်သည်ဟု စစ်ဘုရင်ကြီး နားလည် သဘောပေါက်လာသည်။ “သတ်ဖြတ်မှု၊ ရက်စက်မှု၊ ညှင်းပန်းနှိပ်စက်မှု စသည့် အကြမ်းဖက်လုပ်ရပ်”တွေဖြင့် လူသားတို့၏ နှလုံးသားကို လွှမ်းမိုးအနိုင်ယူဖို မဖြစ်နိုင်သည်ကို ကောင်းကောင်း သဘောပေါက်လာသည်။ ထိုကြောင့် နောင် ဘယ်သောအခါမျှ ဤကဲ့သို့သော “စစ်ပွဲ” မျိုး မဖြစ်ပေါ်အောင် ဖန်တီးမည်ဟု ဆုံးဖြတ်ချက်ချသည်၊ မဂဓတိုင်း ပါဋလိပုတ်နေပြည်တော်မှာ နန်းစံစဉ်က ကြားဘူးသလိုလို ရှိသော ဗုဒ္ဓ၏ အကြမ်းမဖက်တဲ့ လမ်းစဉ်ကို သတိရ တမ်းတမိသည်။ ဤ လမ်းစဉ်တွေကို ကမ္ဘာ့လူသားတွေ၏ နှလုံးသားထဲ၌ ထည့်ထားနိုင်လျှင် ဤကဲ့သို့သော စစ်ပွဲတွေ ဖြစ်လာနိုင်စရာ အကြောင်းမရှိ ဟု ယူဆသည်။

“ဆုပ်ကိုင်ထားသော လက်နက်ကို ချလိုက်ပြီး အကြမ်းဖက်မှုကို လုံးဝစွန်လွှတ်ကြောင်း” ဤ ဒေါလီတောင်ကုန်းကို အသိသက်သေပြု၍ သစ္စာဆိုသည်၊ တရားမျှတသော၊ သနားကြင်နာမှု အပြည့်ရှိသော၊ ငြိမ်းချမ်းမှုကို သယ်ဆောင်ပေးနိုင်သော၊ အကြမ်းမဖက်မှုကို အားပေးသော၊ ပြည်သူပြည်သားတို့၏ ကောင်းကျိုးကို ဆောင်ရွက်ပေးနိုင်သော လမ်းစဉ်ဖြင့်သာ တိုင်းသူ ပြည်သားတို့ကို အုပ်ချုပ်ချင်သည်။ မိဘက သားသမီးတို့အပေါ် မေတ္တာစေတနာထားသကဲ့သို့ တိုင်းသူပြည်သားတွေအပေါ် စိတ်ကောင်းစိတ်ထားမြတ်ဖြင့် ပြုမူဆက်ဆံချင်သည်။ “အကြမ်းဖက်သမား စစ်ဘုရင်ကြီးအဖြစ်မှ တရားမျှတစွာ ကျင့်ကြံအားထုတ် အုပ်ချုပ် သော သူတော်ကောင်းဘုရင်ကြီး” အဖြစ်ကို မည်သူ၏ တိုက်တွန်းမှုကိုမျှ မစောင့်တော့ဘဲ အသောကဘုရင်ကြီး က ပြောင်းပစ်နိုင်ခဲ့သည်။

ဘုရင်အသောကသည် နှလုံးသားမှ အမှန်တကယ်ပေါက်ဖွားလာသော၊ တိုင်းသူပြည်သားတွေအပေါ် ထားသော မိမိ၏ စစ်မှန်သော စိတ်တွင်းသဘောကို အများပြည်သူ သိစေရန် ကျောက်သားပြင်ပေါ်တွင် ရေးသားထွင်းထုခဲ့သည်။ အသောက ကျောက်စာပေါင်းများစွာတို့တွင် ဤဒေါလီတောင်ခြေ ကျောက်ပြားပေါ်၌ ရေးသားထားသော ဗြဟ္မီအက္ခရာတို့သည် မူရင်းအတိုင်း ထင်ထင်ရှားရှား မြင်တွေ့နိုင်သည်။ ဤအသောကကျောက်စာကို ကျောက်စာအမှတ် ၁၃-လို့ သတ်မှတ်ထားသည်၊ ဘီစီ ၂၅၆ ရာစုမှာ ရေးထိုးထားသည်ယူဆရဖွယ်ရှိသည်။ ဤနေရာကို ၂၀၀၈-ခုနှစ်၊ သီတဂူဘုရားဖူးအဖွဲ့ ရောက်ရှိသွားသောအခါ အလုအယက် တိုးဝှေ့၍ အသောကကျောက်စာကို ဖတ်ကြသည်။ “အသောကဘုရင်ကြီး ဘာတွေရေးခဲ့ ပြောခဲ့တာပါလိမ့်” သိချင်ကြသော်လည်း ရှေးဟောင်း ဗြဟ္မီအက္ခရာဖြင့် ရေးသားထားသော ဤပါဠိစာပေ၏ အဓိပ္ပါယ်ကို ချက်ချင်းလက်ငင်း မသိနိုင်ခဲ့ကြပါ။ ဒေါလီတောင်ကုန်းပေါ်မှာ တည်ထားသော ”ငြိမ်းချမ်းရေး စေတီ = သန္တိစေတီ” ပရ၀ုဏ်၌ ဟောကြားသော သီတဂူအဓိပတိ ဆရာတော်၏ တရားကို နာကြားရသော အခါမှ တစေ့တစောင်း သိခွင့်ကြုံခဲ့ကြသည်။ သီတဂူဘုရားဖူးအဖွဲ့သည်ကား ဒေါလီ တောင်ကုန်း၏ ရှေ့နောက်တောင်မြောက်ပတ်လည်က စိမ်းလမ်းစိုပြေနေသော ကွင်းပြင်ကြီးနှင့် မနီးမဝေးတွင် စီးဆင်းနေသော ဒယာမြစ်ကမ်း၏အလှတို့၌ နစ်မွန်းနေကြသည်။ ဤ အသောကကျောက်စာ၏ ပြီးပြည့်စုံသော အဓိပ္ပါယ်ကို သိချင်လိုတဲ့ စိတ်က မိမိ၏ ရင်ထဲမှာ ၀င်ရောက် လှုံ့ဆော်နေသည်။ လက်ထဲ၌ အသင့်ပါလာသော “အသောကကျောက်စာပေါင်းချုပ် စာအုပ်” ကလေးကို ကမန်းကတန်းဖွင့်၍ အင်္ဂလိပ် ဘာသာပြန်ကို ဖတ်ကြည့်မိသည်။

စာပိုဒ်တွေကို တစ်ခုချင်းစီ လိုက်ဖတ်ကြည့်လိုက်မိသည်-

Beloved-of-the-Gods says that the Mahamatras of Tosali who are judicial officers in the city are to be told this: I wish to see that everything I consider to be proper is carried out in the right way. And I consider instructing you to be the best way of accomplishing this. I have placed you over many thousands of people that you may win the people's affection.

နတ်တို့၏ ချစ်ခင်မြတ်နိုးမှုကို ခံရသော (ဒေ၀ါနံပိယ၊ ပိယဒဿီ) မင်းတရားကြီးသည် မြို့၌ တရား ရေးရာ အရာရှိ တိုဆလီ အမတ်ကြီးများ မိန့်မှာတော်မူသည်ကား- မှန်မှန်ကန်ကန် ဆောင်ရွက်ကြသည်ကို ငါဘုရင်မင်းမြတ် မြင်လိုတော်မူသည်။ ထိုအမှုကိစ္စတို့ ပြီးမြောက်အောင်မြင်အောင် အကောင်းဆုံးနည်းလမ်း တို့ကို သင်တို့အား ညွှန်ကြားထားသည်ဟု ငါဘုရင်မင်းမြတ် သိထားတော်မူသည်။ တိုင်းပြည်ပြည်သားတို့၏ ချစ်ခင်မြတ်နိုးထောက်ခံမှုကို အောင်မြင်ရယူနိုင်အောင် သင်တို့ကို ထောင်ပေါင်းများစွာသောလူတို့အထက်၌ ငါဘုရင်မင်းမြတ် နေရာပေးခန့်ထားတော်မူသည်။

All men are my children. What I desire for my own children, and I desire their welfare and happiness both in this world and the next, that I desire for all men. You do not understand to what extent I desire this, and if some of you do understand, you do not understand the full extent of my desire.

လူသားအားလုံးတို့သည် ငါဘုရင်မင်းမြတ်၏ သားသမီးများဖြစ်ကြသည်။ ငါ၏သားသမီးများအပေါ်၌ ထားရှိသော စိတ်စေတနာကဲ့သို့၊ ပစ္စုပ္ပန်တမလွန် နှစ်ခုစလုံး၌ ၄င်းတို့၏ ချမ်းသာသုခနှင့် ကောင်းကျိုးစီးပွား ကို ငါဘုရင်မင်းမြတ် အလိုရှိသကဲ့သို့ လူသားအားလုံးအတွက် ငါဘုရင်မင်းမြတ် အလိုရှိတော်မူသည်။ ဤကိစ္စကို ငါဘုရင်မင်းမြတ် မည်မျှ အလိုရှိတော်မူသည်ကို သင်တို့ နားမလည်ကြပေ၊ အကယ်၍ သင်တို့ထဲ တွင် တချို့က နားလည်သည်ပင် ရှိစေဦး၊ ငါဘုရင်မင်းမြတ်၏ အလိုဆန္ဒကို ပြည့်ပြည့်၀၀ နားလည်မည် မဟုတ်ပေ။

You must attend to this matter. While being completely law-abiding, some people are imprisoned, treated harshly and even killed without cause so that many people suffer. Therefore your aim should be to act with impartiality.

သင်တို့သည် ဤကိစ္စကို သတိပြုကြရမည်၊ စည်းကမ်းဥပဒေတို့ကို လုံးဝ လေးစားလိုက်နာကြပါ လျှက် အချို့သောလူတွေကို ထောင်သွင်းအကျဉ်းချကြသည်၊ အချို့ကို ရက်ရက်စက်စက် ကြမ်းကြမ်းတမ်းတမ်း ဆက်ဆံကြသည်။ တချို့ကိုတော့ သတ်စရာ အကြောင်းမရှိပါပဲ သတ်ပစ်ကြသည်။ ထို့ကြောင့် များစွာသော လူတို့သည် ဆင်းရဲဒုက္ခရောက်ကြရသည်။ ထို့ကြောင့် သင်တို့၏ ရည်ရွယ်ချက် ဆောင်ရွက်ချက်တို့သည် သမာသမတ်ရှိသင့်သည်။

It is because of these things -- envy, anger, cruelty, hate, indifference, laziness or tiredness -- that such a thing does not happen. Therefore your aim should be: "May these things not be in me." And the root of this is non-anger and patience.

မနာလိုခြင်း၊ စိတ်ဆိုးဒေါသဖြစ်ခြင်း၊ ရက်စက်ကြမ်းကြုတ်ခြင်း၊ မုန်းတီးခြင်း၊ ခွဲခြမ်းစိတ်ဖြာမှုမရှိခြင်း၊ ပျင်းရိထုံထိုင်းခြင်း တည်းဟူသော ဤအကြောင်းများကြောင့် ဖြစ်ကြရသည်ဖြစ်၍ ဤကဲ့သို့ အဖြစ်အပျက်များ (နောင်အခါ) မဖြစ်ရတော့ပါ။ ထို့ကြောင့် “ဤအဖြစ်အပျက်များ ငါကြောင့် မဖြစ်စေရပါ” လို့ စိတ်ထားမျိုး ရှိသင့်သည်။ စိတ်မဆိုး ဒေါသမထွက်ခြင်း၊ သည်းခံခြင်းသည် (ဤကဲ့သို့ “စိတ်ထားမျိုး” ထားနိုင်ခြင်း၏) အဓိက အခြေခံအကြောင်းတရားဖြစ်သည်။

Those who are bored with the administration of justice will not be promoted; (those who are not) will move upwards and be promoted. Whoever among you understands this should say to his colleagues: "See that you do your duty properly. Such and such are Beloved-of-the-Gods' instructions."

“တရားမျှတသော အုပ်ချုပ်ရေး”နှင့် ငြီးငွေ့ကြသောသူတို့သည် ရာထူးတိုးပေးမည် မဟုတ်ပေ၊ မငြီးငွေ့သောသူတို့သည်သာ အထက်ရာထူးများကို တိုးပေးမည်။ သင်တို့တွင် ဤသဘောတရားကို နားလည် ကြသူ မည်သူမဆို မိမိ၏ လုပ်ဖော်ကိုင်ဘက်များကို “သင်၏တာဝန်ကို သင် မှန်မှန်ကန်ကန် ဆောင်ရွက် သလား၊ ဤအရာ ထိုအရာတို့သည် နတ်တို့၏ ချစ်ခင်မြတ်နိုးမှုကို ခံရသော (ဒေ၀ါနံပိယ၊ ပိယဒဿီ) မင်းတရားကြီး၏ ညွှန်းကြားချက်များ ဖြစ်သလား ဆိုတာ သတိပြုကြပါ”ဟု ပြောပြသင့်သည်။

Great fruit will result from doing your duty, while failing in it will result in gaining neither heaven nor the king's pleasure. Failure in duty on your part will not please me. But done properly, it will win you heaven and you will be discharging your debts to me.

ကြီးမြတ်သောအကျိုးအမြတ်တို့သည် တာဝန်ကို ကျေပွန်စွာ ဆောင်ရွက်ခြင်းမှ ရရှိဖြစ်ပေါ်လာလိမ့် သည်။ တာဝန်ဝတ္တရား ပျက်ကွက်ပါက ကောင်းရာသုဂတိကိုလည်း မရနိုင်သလို မင်းတရားကြီး၏ ကျေနပ် သဘောကျမှုကိုလည်း ရမည် မဟုတ်ပါ။ သင်တို့၏တာဝန်ဝတ္တရား ပျက်ကွက်မှုသည် ငါဘုရင်မင်းမြတ်ကို နှစ်သက်စေလိမ့်မည် မဟုတ်ပါ။ မှန်မှန်ကန်ကန် ဆောင်ရွက်ကြပါ၊ ဤသို့ဆောင်ရွက်ခြင်းသည် ကောင်းရာ သုဂတိကိုလည်း ရယူအောင်နိုင်သလို ငါမင်းတရားကြီးနှင့်ပတ်သက်၍ သင်တို့အပေါ်၌ အကြွေးတင်ခြင်းမရှိပါ။

Beloved-of-the-Gods, King Piyadasi, conquered the Kalingas eight years after his coronation. One hundred and fifty thousand were deported, one hundred thousand were killed and many more died (from other causes).

နတ်တို့၏ ချစ်ခင်မြတ်နိုးမှုကို ခံရသော မင်းတရားကြီး ပိယဒဿီ (အသောက) သည် အဘိသိက် သွန်းပြီး (၈) နှစ်အကြာ “ကလိင်္ဂ”တိုင်းကို အောင်မြင် (သိမ်းပိုက်) တော်မူခဲ့သည်။ လူတစ်သိန်ငါးသောင်းကို ဖမ်းဆီးနှင်ထုတ်ပစ်ခဲ့ရသည်။ တစ်သိန်းသည်ကား သုတ်သင်ရှင်းလင်းခံခဲ့ရသည်။ စစ်ပွဲနှင့်ဆက်စပ်သော တခြားအကြောင်းတွေကြောင့် လူပေါင်းများစွာ သေဆုံးကြရသည်။

After the Kalingas had been conquered, Beloved-of-the-Gods came to feel a strong inclination towards the Dhamma, a love for the Dhamma and for instruction in Dhamma. Now Beloved-of-the-Gods feels deep remorse for having conquered the Kalingas.

“ကလိင်္ဂ” တိုင်းပြည် အောင်မြင်စွာသိမ်းပိုက်ပြီးနောက် နတ်တို့၏ချစ်ခင်မြတ်နိုးမှုကို ခံရသော မင်းတရားကြီး ပိယဒဿီ (အသောက) သည် “တရားဓမ္မ” ၌ စိတ်ညွတ်လာခဲ့သည်၊ တရားဓမ္မနှင့် တရားဓမ္မ ၏ သွန်သင်ဆုံးမမှုတို့ကို နှစ်သက်မြတ်နိုးတော်မူလာခဲ့သည်။ ယခုအခါ နတ်တို့၏ချစ်ခင်မြတ်နိုးမှုကို ခံရသော မင်းတရားကြီးသည် “ကလိင်္ဂ” စစ်ပွဲဖြစ်ရခြင်းကို ကြီးစွာ ၀မ်းနည်းပက်လက် ဖြစ်တော်မူသည်။

Indeed, Beloved-of-the-Gods is deeply pained by the killing, dying and deportation that take place when an unconquered country is conquered.

“မသိမ်းပိုက်နိုင်ဘူးသောတိုင်းပြည်တစ်ပြည်ကို သိမ်းပိုက်အနိုင်ယူရသောအခါ လူသားတွေကို သတ် ဖြတ် သုတ်သင်ရခြင်း၊ အသက်တွေဆုံးရှုံးရခြင်း နှင့် ဖမ်းဆီးချုပ်နှောင် နှင်ထုတ်ရခြင်းတို့ကြောင့် နတ်တို့၏ ချစ်ခင်မြတ်နိုးမှုကို ခံရသော မင်းတရားကြီးသည် အမှန်တကယ် အလွန်အမင်း စိတ်ထိခိုက် ကြေကွဲ ရသည်”။

But Beloved-of-the-Gods is pained even more by this -- that Brahmans, ascetics, and householders of different religions who live in those countries, and who are respectful to superiors, to mother and father, to elders, and who behave properly and have strong loyalty towards friends, acquaintances, companions, relatives, servants and employees -- that they are injured, killed or separated from their loved ones.

ထို့ထက်မက နတ်တို့၏ချစ်ခင်မြတ်နိုးမှုကို ခံရသော မင်းတရားကြီးသည် ဤ (ဖေါ်ပြပါ) အဖြစ် အပျက်တို့ကြောင့် အတိုင်းထက်အလွန် နာကျင်ခံစားရသည်-- ကြီးမြတ်သောသူများကို၊ အမိအဘကို၊ ဆရာများနှင့် အသက်ကြီးသူများကို ရိုသေလေးစားကြသော၊ သူငယ်ချင်းများ၊ မိတ်ဆွေများ၊ လုပ်ဘော် ကိုင်ဘက်များ၊ ဆွေမျိုးများ၊ ၀န်ထမ်းများ၊ အလုပ်သမားများအပေါ် အင်မတန် သစ္စာစောင့်သိကြသော၊ ဤတိုင်းနိုင်ငံတို့၌ မှီတင်းနေထိုင်ကြသော၊ ယုံကြည်ကိုးကွယ်မှု အမျိုးမျိုးရှိသော ရပ်မိရပ်ဖများ၊ ရသေ့ရဟန်းများနှင့် ဂုဏ်သရေရှိ လူကြီးသူကောင်းတို့သည် (ဤစစ်ပွဲကြောင့်) ထိခိုက်ဒဏ်ရာ ရကြသည်၊ အသတ်ခံကြရသည်၊ ချစ်ခင်မြတ်နိုးသောသူတို့နှင့် အခွဲခံကြရသည်။

Even those who are not affected (by all this) suffer when they see friends, acquaintances, companions and relatives affected. These misfortunes befall all (as a result of war), and this pains Beloved-of-the-Gods.

ဤဆင်းရဲဒုက္ခနှင့် တိုက်ရိုက် မတွေ့ကြုံကြရသောသူတို့သည်ပင် သူငယ်ချင်းများ၊ မိတ်ဆွေများ၊ လုပ်ဘော်ကိုင်ဘက်များနှင့် ဆွေမျိုးများ ဆင်းရဲဒုက္ခရောက်ကြသည်ကို တွေ့မြင်ရသောအခါ စိတ်ဆင်းရဲကြ ရကုန်သည်။ ဤ ကံကြမ္မာဆိုးသည်ဝန်ထမ်းများ၊ အလုပ်သမားများအပေါ် အင်မတန် သစ္စာစောင့်သိကြသော၊ ဤတိုင်းနိုင်ငံတို့၌ မှီတင်းနေထိုင်ကြသော၊ ယုံကြည်ကိုးကွယ်မှု အမျိုးမျိုးရှိသော ရပ်မိရပ်ဖများ၊ ရသေ့ရဟန်း သူတော်ကောင်းများနှင့် ဂုဏ်သရေရှိ လူကြီးသူကောင်းတို့သည် (ဤစစ်ပွဲကြောင့်) ထိခိုက်ဒဏ်ရာ ရကြသည်၊ အသတ်ခံကြရသည်၊ ချစ်ခင်မြတ်နိုးသောသူတို့နှင့် အခွဲခံကြရသည်။ ဤကြမ္မာဆိုးတို့သည် စစ်ပွဲ၏ အကျိုးဆက်အားဖြင့် သက်ရှိအားလုံးတို့အပေါ် ကျရောက်ဒုက္ခပေးလေသည်။ ဤအဖြစ်အပျက်များက နတ်တို့၏ချစ်ခင်မြတ်နိုးမှုကို ခံရသော မင်းတရားကြီးကို နာကျင်စွာ ခံစားရစေသည်။

“အားလုံး ကားပေါ်တက်ကြပါ၊ အားလုံးကားပေါ်တက်ကြပါ၊ မကြာမီ ကားထွက်တော့ပါမည်” ဟူသော ဘုရားဖူးအဖွဲ့ဝင် တစ်ဦး၏ နိုးဆော်မှုကြောင့် ဖတ်စရာ စာပိုဒ်တွေ အမျာကြီး ကျန်နေသော်လည်းဘဲ ဖတ်လက်စ စာအုပ်ကလေးကို အမြန်ပိတ်ကာ ထလိုက်ပါသည်။ အသောက ကျောက်စာကို (၁) မိနစ်မျှ စိုက်ကြည့်ပြီး “ဤ ကလိင်္ဂ စစ်မြေပြင်ဟောင်း၌ နှစ်ပေါင်း (၂၃၀၀) ကျော်သည့်တိုင်အောင် တည်ရှိနေသည့် ဤကျောက်စာ စာရွက်သည် နောင်ထပ် နှစ်ပေါင်း များစွာ တည်ရှိလျှက် လက်နက်အားကိုးဖြင့် တိုင်းသူ ပြည်သားတွေအပေါ် ဗိုလ်ကျအနိုင်ကျင့်ကြသော စစ်အာဏာရှင်များ (အသောကဘုရင်ကြီးကဲ့သို့) အဓမ္မမှုများ ကို စွန့်လွှတ်၍ တရားမျှတမှုများ ကျင့်သုံးနိုင်ကြပါစေ”လို့ ဆုတောင်းလိုက်မိသည်။

အရှင်ကုမာရ (ဒေလီတက္ကသိုလ်)

Tuesday, November 17, 2009

Friday, March 21, 2008

Thursday, March 20, 2008